რამდენად ახლოსაა ‘ალი ღმერთთან? ‘ალის სტატუსის შესახებ ეზიდურ ტრადიციაში
DOI:
https://doi.org/10.1555/yezidistudies/2/2/2025/55-66საკვანძო სიტყვები:
‘ალი, ეზიდობა, ეზიდიზმი, რადიკალური შიიზმი, დულდულ/დუნდულ, სრულტოფილი ადამიანიანოტაცია
მიუხედავად იმისა, რომ 'ალის გაღმრთობა უკიდურესად შიიტური მიმდინარეობების განმსაზღვრელ მახასიათებელს წარმოადგენს, მის როლს ეზიდურ რელიგიაში ჯერ კიდევ არ მიქცევია ჯეროვანი სამეცნიერო ყურადღება. ეზიდიზმსა და ჰეტეროდოქსულ შიიტურ გარემოს შორის არსებული მნიშვნელოვანი პარალელების გათვალისწინებით, ეს სტატია მიზნად ისახავს ეზიდურ რელიგიურ ტრადიციაში ‘ალის პოზიციის შესწავლასა და დაზუსტებას. ეზიდურ რელიგიურ ტექსტებში ‘ალი მრავალჯერ გვხვდება, და გარკვეულ საგალობლებში ის ცენტრალურ როლს ასრულებს. ამ წყაროების საგულდაგულო შესწავლა ცხადყოფს, რომ რადიკალური შიიზმისგან განსხვავებით, ეზიდიზმი ‘ალის ღვთაებრივ სტატუსს არ ანიჭებს. მიუხედავად ამისა, მისი ზოგიერთი ფუნქციური მახასიათებელი და გარკვეულ კონტექსტებში უნიკალური როლი მიუთითებს, რომ მას ერთ დროს განსაკუთრებული და, შესაძლოა, მნიშვნელოვანი პოზიცია ეკავა ეზიდურ ტრადიციაში.
